31 Tetor 2016
Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 31 tetor 2016, Bordi i Autoritetit të Mbikëqyrjes Financiare, shqyrtoi dhe vendosi:
- Miratimin e planit vjetor të Auditimit të Brendshëm për vitin 2017 dhe planit strategjik për vitet 2017-2019;
- Miratimin e ndryshimit të buxhetit të vitit 2016 të Autoritetit të Mbikëqyrjes Financiare;
- Miratimin e disa ndryshimeve në Rregulloren “Për përmbajtjen e raportit vjetor që publikohet nga shoqëritë e sigurimit dhe risigurimit”, miratuar me vendim Bordi nr. 110, datë 26.10.2015;
- Miratimin e disa ndryshimeve në Rregulloren “Për rregullat e inventarizimit, vlerësimit dhe nxjerrjes nga përdorimi të aktiveve në zotërim të Autoritetit të Mbikëqyrjes Financiare”;
- Miratimin e shoqërisë audituese për auditimin e pasqyrave financiare të SHAFP Sigal Life Pension sh.a., si dhe fondit të pensionit që administrohet prej saj për vitin financiar që mbyllet më 31.12.2016;
- Miratimin e disa ndryshimeve në Rregulloren nr. 120, datë 02.10.2008 “Për licencimin dhe mbikëqyrjen e Bursës së Titujve”;
- Miratimin e Projektstatutit të shoqërisë “Eurotrade Securities” sh.a.;
- Licencimin e shoqërisë “ABI Bank” sh.a. për ushtrimin e veprimtarisë së brokerimit (broker-dealer) në titujt e Qeverisë së R.SH., në Bursë dhe në tregun me pakicë;
- Licencimin për të vepruar si broker për tregtimin e titujve në emër dhe për llogari të shoqërisë “ABI Bank” sh.a.;
- Licencimin e shoqërisë “ABI Bank” sh.a. për ushtrimin e veprimtarisë së kujdestarit të titujve të Qeverisë;
- Licencimin e bankës Raiffeisen për ushtrim veprimtarie brokerimi në sigurime;
- Licencimin e brokerave në sigurime;
- Miratimin e anëtarit të Këshillit të Administrimit të shoqërisë administruese “CredinsInvest”;
- Miratimin e ushtrimit të veprimtarisë së agjentit në sigurime;
- Vendimin për pagesën e praktikave Fond Kompensimi;
- Miratimin e emërimit të administratorit të shoqërisë së sigurimit “Insig Jeta” sh.a.;
- Miratimin e disa ndryshimeve në Prospektin e Fondit të Investimit “Raiffeisen Prestigj”.