23 Tetor 2017
Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 20 tetor 2017, Bordi i Autoritetit të Mbikëqyrjes Financiare, shqyrtoi dhe vendosi:
- Miratimin e Anëtarit të Këshillit të Administrimit të shoqërisë “Raiffeisen Invest-Shoqëri Administruese e Fondeve të Pensionit dhe Sipërmarrjeve të Investimeve Kolektive” sh.a.;
- Miratimin e statutit të shoqërisë administruese të fondeve të investimit “WVP Fund Management Tirana” sh.a.;
- Miratimin e anëtarit të Këshillit Mbikëqyrës të shoqërisë së sigurimit “Sigma Interalbanian VIG” sh.a.;
- Miratimin e ushtrimit të veprimtarisë së agjentit në sigurime;
- Licencimin e vlerësuesve të dëmeve në sigurime;
- Miratimin e Rregullores “Për hartimin, ndjekjen, miratimin dhe zbatimin e buxhetit të AMF-së”;
- Miratimin e një shtese në Fondin e Kompensimit për vitin 2017;
- Shfuqizimin e Vendimit nr. 11, datë 30.01.2008 “Për furnizimin e bazës së të dhënave të regjistrit elektronik për shitjen e policave të sigurimit kufitar”;
- Miratimin e Marrëveshjes së Bashkëpunimit ndërmjet Autoritetit të Mbikëqyrjes Financiare dhe Universitetit Mesdhetar të Shqipërisë.