Gjatë periudhës 31.03.2018, në tregun e fondeve të investimeve ushtruan aktivitetin e tyre katër fonde investimi, përkatësisht fondi i investimeve “Raiffeisen Prestigj”, fondi i investimeve “Raiffeisen Invest Euro” të cilat administrohen nga shoqëria “Raiffeisen Invest”, fondi i investimeve “Credins Premium” nën administrimin e shoqërisë administruese “Credins Invest” dhe fondi “WVP Top Invest” e cila administrohet nga shoqëria “WVP Fund Management Tirana sh.a”.

“WVP Fund Management Tirana” sh.a. u licensua nga Autoriteti i Mbikëqyrjes Financiare me vendim nr. 13, datë 31.01.2018, për të kryer veprimtarinë e administrimit të aseteve të sipërmarrjeve të investimeve kolektive.

Fondi i investimeve “WVP Top Invest” filloi aktivitetin e tij të vlerësimit në datë 29.03.2018.

Sipas analizës së të dhënave për tregun e fondeve të investimeve në 31.03.2018, vlera neto e aseteve të Fondeve, arriti rreth 68.80 miliardë lekë me një ulje prej 3.92 miliardë lekë ose 5.39%, krahasuar me 31.12.2017. E shprehur në euro, totali i aseteve neto është 524 milionë Euro ^[1].

Ky treg dominohet kryesisht nga investimet në Obligacione Qeveritare, të cilat përbëjnë 61.80% të aseteve të fondeve, me një ulje prej 4.42% krahasuar me 31.12.2017.

Numri i anëtarëve që kanë investuar në Fondet e Investimit më 31.03.2018 është 29,930 me një ulje prej 4.44% krahasuar me 31.12.2017.

Tregues të fondeve të investimeve