21 Tetor 2015
Mbi zhvillimin e mbledhjes së Bordit të Autoritetit të Mbikëqyrjes Financiare
Ditën e hënë, datë 26 tetor, ora 10:00, do të zhvillohet mbledhja e Bordit të Autoritetit të Mbikëqyrjes Financiare, me këtë rend dite:
- Miratimi i procesverbalit të mbledhjes së kaluar;
- Miratimi i rendit të ditës;
- Projekt “Mbi miratimin e disa ndryshimeve në rregulloren “Për marrëdhëniet e punës së punonjësve me Autoritetin e Mbikëqyrjes Financiare””;
- Informacion mbi analizat financiare të tregut të pensioneve private vullnetare dhe SIK për periudhën 30.06.2015;
- Projekt “Për miratimin e shoqërive audituese për auditimin e pasqyrave financiare të SHAFP dhe SIK Raiffeisen Invest, si dhe SHAFP Sigal Life Pension”;
- Projekt “Për miratimin e rregullores “Mbi kërkesat për përmbajtjen e raportit vjetor që publikohet nga shoqëritë e sigurimit dhe risigurimit””;
- Projekt “Për miratimin e projektstatutit të shoqërisë në proces themelimi “Regjistrari Shqiptar i Titujve” sh.a.”;
- Projekt “Për miratimin e rregullores “Për metodën e llogaritjes së kufirit minimal të aftësisë paguese të shoqërisë së sigurimit, që ushtron veprimtari në klasat e Jetës dhe Jo-Jetës””;
- Projekt “Mbi zbatimin e vendimit të Bordit nr. 74, datë 28.7.2015 nga ana e shoqërisë “Eurosig” sh.a.”;
- Projekt “Për miratimin e planit vjetor të auditimit të brendshëm për vitin 2016 dhe planit strategjik për vitet 2016-2020”;
- Raport “Për realizimin dhe ndryshime në Buxhetin e 8 mujorit të Vitit 2015”;
- Informacion mbi ecurinë e pagesave objekt i fondit të kompensimit;
- Të tjera.