Zhvillimet e Tregut me Pakicë të Letrave me Vlerë të Qeverisë për periudhën janar-shtator 2015
Volumi i tregut sekondar të letrave me vlerë të Qeverisë gjatë periudhës janar-shtator 2015 u dominua në masën 73.11% nga transaksionet në instrumente afatshkurtër (bono thesari) dhe pjesa tjetër prej 26.89% ishin instrumente afatgjatë (obligacione). Përsa i takon numrit të transaksioneve, 84.90% e të gjitha transaksioneve të tregut sekondar të letrave me vlerë të Qeverisë, i takojnë transaksioneve të kryera me bono thesari.
Të dhënat statistikore të tregut me pakicë të letrave me vlerë të Qeverisë gjatë periudhës janar-shtator 2015 flasin për një dominim të transaksioneve "Blerje në tregun primar" dhe "Shlyerje e vlerës nominale në maturim" përkatësisht me 67.99% dhe 16.47% kundrejt volumit të përgjithshëm.
Pjesëmarrja në tregun sekondar të letrave me vlerë të Qeverisë dominohet nga investitorët individualë, të cilët kryejnë rreth 98.40% të të gjitha transaksioneve në këtë treg.
Dy grupet e transaksioneve B dhe C
Transaksioni i llojit B "Shitje nga portofoli i ndërmjetësit financiar" gjatë periudhës janar-shtator 2015, ka pasur një rritje prej 45.20 milionë lekë ose 0.84% krahasuar me janar-shtator 2014 dhe numri i transaksioneve është rritur në masën 6.37%.
Transaksioni i llojit C "Blerje para afatit të maturimit" gjatë periudhës janar-shtator 2015 ka pasur një ulje prej 319.86 milionë lekë ose 14.19% krahasuar me janar-shtator 2014, ndërsa numri i transaksioneve është ulur në masën 16.23%.
Krahasuar me janar-shtator 2014, vihet re një ulje në vlerë absolute e totalit të transaksioneve të llojit B dhe C të marra së bashku me rreth 274.66 milionë lekë.
Tregu me Pakicë i Letrave me Vlerë të Qeverisë
Lloji i Transaksionit |
Vlera nominale |
Ndryshimi |
|||
(në mln lekë) |
(në %) |
||||
Periudha janar-shtator |
2014 |
2015 |
`15/`14-1 |
||
B |
Shitje nga portofoli i ndërmjetësit financiar |
5,362.55 |
5,407.75 |
0.84 |
|
|
Individë |
4,273.69 |
4,386.50 |
2.64 |
|
|
Persona juridike |
1,088.87 |
1,021.26 |
(6.21) |
|
C |
Blerje para afatit të maturimit |
2,254.07 |
1,934.21 |
(14.19) |
|
|
Individë |
2,034.01 |
1,860.81 |
(8.52) |
|
|
Persona juridikë |
220.06 |
73.40 |
(66.65) |
Për të lexuar materialin e plotë të Tregut me Pakicë të Letrave me Vlerë të Qeverisë, për periudhën janar-shtator 2015 (në EXCEL), ju lutem klikoni këtu.