25 Nentor 2009
Mbi zhvillimin e mbledhjes së Bordit të Autoritetit të Mbikëqyrjes Financiare
Në mbledhjen e datës 25 nëntor 2009, Bordi i Autoritetit të Mbikëqyrjes Financiare midis të tjerave, shqyrtoi dhe miratoi vendimet e mëposhtme:
- Miratoi sistemin telefonik (numrin jeshil 0800 6969) në shërbim të konsumatorit në Autoritetin e Mbikëqyrjes Financiare.
- Miratoi ndryshimin e statutit të shoqërisë së sigurimit Albsig sh.a, si rezultat i ndryshimit të strukturës aksionare dhe zmadhimit të kapitalit.
- Miratoi licencimin e agjentëve në sigurime të jo-jetës, në emër dhe për llogari të shoqërisë së sigurimit Insig sh.a.
- Miratoi licencimin e një brokeri në tregtimin e letrave me vlerë të Qeverisë, në emër dhe për llogari të shoqërisë Banka Ndërkombëtare Tregtare sh.a.
- Miratoi pjesëmarrjen influencuese të shoqërisë "UNIQA INTERNATIONAL WERWATUNGS GMBH", në shoqërinë "Sigal Holding" sh.a.
- Miratoi shoqërinë "Grand Thornton Albania" SH.P.K, në cilësinë e ekspertit kontabël të autorizuar për auditimin e pasqyrave financiare për vitin 2009, të shoqërisë së sigurimit "Sigma Vienna Insurance Group" SHA.