Në kuadër të mbrojtjes së konsumatorit Autoriteti i Mbikëqyrjes Financiare njofton publikun se nga data 1 Dhjetor 2007 ka hyrë në funksionim të plotë Rregjistri Elektronik Online i Shitjeve të Sigurimit të Detyrueshëm Motorrik.

Çdo policë e sigurimit të detyrueshëm motorrik shitet nga përfaqesues të autorizuar të shoqërive të sigurimit. Polica lëshohet nëpermjet sistemit kompjuterik të lidhur online me Autoritetin e Mbikëqyrjes Financiare. Polica ka të printuar në pjesën e sipërme apo të poshtme të saj një kod numrash dhe shifrash me 15 karaktere që përben kodin identifikues të raportimit të gjeneruar automatikisht në kohë reale nga serverat e Autoritetit.

Shoqëritë e sigurimit janë të detyruara të afishojnë çmimet e policave të sigurimit të detyrueshëm ne çdo pikë të tyre të shitjeve.

Kontrolli i mëposhtem është i vlefshem për policat e sigurimit të lëshuara pas datës 1 Dhjetor 2007.

Kërkimi për Policën me SMS

Dergoni sms me përmbajtje TARGEN e mjetit Tuaj në numrin 069 40 60 671 dhe:

•    do të merrni përgjigje nëse TARGA e dërguar rezulton rregullisht e mbuluar me sigurim të detyrueshëm motorik;
•    tre ditë para mbarimit të periudhës së sigurimit të detyrushëm, Ju do të lajmëroheni me SMS për afrimin e skadencës.

Plotësoni Kriteret e Kërkimit për Policën

Nëse polica nuk gjendet, ju lutem njoftoni AMF-në në adresën konsumatori@amf.gov.al ose në telefon +355 4 269 329.

Njoftojmë konsumatorët që në momentin e blerjes së policës të sigurohen që:

• polica të jetë e printuar në kompjuter
• polica të përmbajë kodin identifikues të raportimit
• kategoria e mjetit e përcaktuar ne policë të jetë e njëjtë me atë të përcaktuar në dokumentet shoqëruese të mjetit.
• çmimi i policës së sigurimit për kategorinë përkatëse të mjetit nuk duhet të jetë më i ulët se çmimi minimal i miratuar nga Ministri i Financave.

Mos zbatimi i pikave të mësipërme përbën shkelje ligjore dhe mund të sjellë mospërmbushje të të drejtave të konsumatoreve në rastet e trajtimit te dëmeve.