Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 23 janar 2014, Bordi i Autoritetit të Mbikëqyrjes Financiare, shqyrtoi dhe miratoi:
1. Ndryshimin e Statutit të shoqërisë “Albsig” sh.a., si rezultat i ndryshimit të strukturës aksionare;
2. Transferimin e aksioneve në shoqërinë e brokerimit “Star Broker” sh.a.;
3. Ndryshimin në Rregulloren nr. 67, datë 27.07.2009 "Mbi licencimin e aktuarëve të autorizuar të shoqërive të sigurimit";
4. Licencimin e Z. Shpëtim Xhetani në profesionin e vlerësuesit të dëmeve në sigurime“;
5. Licencimin e shoqërisë “IFIS Broker” sh.a., për ushtrimin e veprimtarisë së brokerit në sigurime për klasat e Jo-Jetës, Jetës dhe risigurime me afat të pacaktuar, si dhe licencimin e Z. Sotiraq Guga, si broker fizik në sigurime për klasat e Jo-Jetës, Jetës dhe risigurime, me afat 3 vjeçar, në emër dhe për llogari të shoqërisë “IFIS Broker” sh.a.;
6. Licencimin si agjentë në sigurime, në klasa të Jo-Jetës në emër dhe për llogari të shoqërisë së sigurimit “ Sigal Uniqa Group Austria“ sh.a.;
7. Licencimin si agjent në sigurime, në klasa të Jo-Jetës në emër dhe për llogari të shoqërisë së sigurimit “Insig” sh.a.;
8. Raportin “Mbi rezultatet e auditimeve të kryera në zbatim të planit vjetor 2013”;
9. Informacionin mbi planin e punës së AMF-së për vitin 2014.