Në vazhdim të raportimit në Komisionin Parlamentar për Ekonominë dhe Financat të Kuvendit të Shqipërisë të datës 18 Korrik 2016, mbi veprimtarinë e Autoritetit të Mbikëqyrjes Financiare (AMF) për vitin 2015, sot me datë 21 Shtator 2016 u zhvillua seanca e dytë e raportimit në lidhje me pyetjet e bëra nga anëtarët e këtij Komisioni.

Autoriteti u përfaqësua nga Znj. Enkeleda Shehi, Drejtore e Përgjithshme Ekzekutive e AMF-së, Z. Pajtim Melani, Kryetar i Bordit të AMF-së, si edhe drejtues të tjerë të lartë të Autoritetit.  Përfaqësuesit e Autoritetit ju përgjigjën të gjitha pyetjeve dhe çështjeve të ngritura nga relatori, Kryetari i Komisionit Parlamentar për Ekonominë dhe Financat të Kuvendit të Shqipërisë si dhe anëtarët e tjerë të këtij Komisioni.