30 Mars 2017
Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 30 mars 2017, Bordi i Autoritetit të Mbikëqyrjes Financiare, shqyrtoi dhe vendosi:
- Miratimin e provigjoneve teknike të shoqërive të sigurimit;
- Miratimin e tabelave të primit të rrezikut për vitin 2017;
- Miratimin e Fondit të Kompensimit për vitin 2017;
- Miratimin e buxhetit të Byrosë Shqiptare të Sigurimit, për vitin 2017;
- Miratimin e ndryshimit të statutit të shoqërisë së sigurimit “Ansig” sh.a., si rezultat i rritjes së kapitalit;
- Licencimin e shoqërisë “Eurotrade Securities” sh.a. për ushtrimin e veprimtarisë së brokerimit në tituj dhe miratimin si agjent i lidhur i shoqërisë së brokerimit “LeadCapital Markets” Ltd”;
- Licencimin për të vepruar si broker për tregtimin e titujve në emër dhe për llogari të shoqërisë “Eurotrade Securities” sh.a.;
- Miratimin e ushtrimit të veprimtarisë së agjentit në sigurime;
- Miratimin e shoqërisë audituese “Lireng Auditing” sh.p.k., për auditimin e pasqyrave financiare për vitin 2016, të Byrosë Shqiptare të Sigurimit;
- Miratimin e ndryshimit të statutit të shoqërisë “Smart Broker” sh.a. si rezultat i ndryshimit të emrit në “Smart Insurance Broker”.