28 Maj 2015
Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 28 maj 2015, Bordi i Autoritetit të Mbikëqyrjes Financiare, shqyrtoi dhe vendosi:
- Miratimin e ndryshimeve në Rregulloren nr. 12, datë 30.01.2013 “Për hartimin, ndjekjen, miratimin dhe zbatimin e buxhetit të Autoritetit të Mbikëqyrjes Financiare”;
- Miratimin e ndryshimeve në Rregulloren nr. 83, datë 29.06.2011 “Mbi marrëdhëniet financiare të punonjësve në Autoritetin e Mbikëqyrjes Financiare”;
- Miratimin e komitetit këshillimor me qëllim hartimin e politikave për tregun e sigurimeve;
- Miratimin e rregullores “Për organizimin dhe funksionimin e Qendrës së Edukimit”;
- Miratimin e rregullores “Për raportimin e detyruar vjetor e periodik të shoqërive të sigurimit e risigurimit”;
- Miratimin e rregullores “Për procedurat dhe shqyrtimin e ankesave”;
- Miratimin e rregullores “Për informimin e të siguruarit apo personave të tjerë të interesuar përsa u përket zhvillimeve dhe ndryshimeve ligjore në sektorin e sigurimeve”;
- Miratimin e rregullores “Për përcaktimin e kritereve dhe kërkesave për përzgjedhjen e shoqërisë audituese”;
- Miratimin e rregullores “Për formatin e detajuar, minimumin e objektit dhe të përmbajtjes së raportit të auditimit, të shoqërisë së sigurimit”;
- Miratimin e komisionit maksimal të vlerësimit të dëmeve;
- Licencimin si vlerësues dëmesh në sigurime;
- Miratimin për ushtrimin e veprimtarisë së agjentëve në sigurime në emër dhe për llogari të shoqërive të sigurimit “Sigal Uniqa Group Austria” sh.a., dhe “Insig” sh.a.