28 Korrik 2015
Zhvillohet mbledhja e Bordit të Autoritetit të Mbikëqyrjes Financiare
Në mbledhjet e datës 23 dhe 28 korrik 2015, Bordi i Autoritetit të Mbikëqyrjes Financiare, shqyrtoi dhe vendosi:
- Analizat financiare të tregut të sigurimeve mbi bazën e pasqyrave financiare të 31.12.2014 dhe 31.3.2015;
- Analizat financiare të tregut të pensioneve private vullnetare dhe SIK mbi bazën e pasqyrave financiare të 31.12.2014 dhe 31.3.2015;
- Miratimin e dokumentit me informacionin kryesor (KIID) që duhet t’i vihet në dispozicion investitorit për Fondet e Investimit “Raiffeisen Prestigj” dhe “Raiffeisen Invest Euro”;
- Miratimin e një ndryshimi në Rregulloren nr. 68, datë 26.05.2011 “Për dhënien e licencës, veprimtarinë tregtare, ofertën publike dhe kërkesat e raportimit për sipërmarrjen e investimeve kolektive me ofertë publike të krijuar nga një shoqëri e huaj administruese”;
- Miratimin e ndryshimit në Rregulloren nr. 155, datë 23.12.2014 “Për përcaktimin e elementeve të përllogaritjes dhe nivelet e tarifave që u ngarkohen subjekteve të mbikëqyrura, si dhe procedurat e arkëtimit dhe rakordimit të tyre”;
- Miratimin e ndryshimit në Rregulloren nr. 83, datë 29.06.2011 “Mbi marrëdhëniet financiare të punonjësve me Autoritetin e Mbikëqyrjes Financiare”;
- Miratimin e Raportit të Mbikëqyrjes për vitin 2014;
- Miratimin e udhëzimit “Për shpërblimet e anëtarëve joekzekutivë dhe pagat e Drejtorit të Përgjithshëm Ekzekutiv, Nëndrejtorit Ekzekutiv dhe të punonjësve të Autoritetit të Mbikëqyrjes Financiare”.