AMF organizon Konferencën Kombëtare “Edukimi financiar”
Autoriteti i Mbikëqyrjes Financiare organizoi më 24 maj 2018, Konferencën Kombëtare “Edukimi Financiar” me fokus kryesor studentët, të cilët shpalosën punime të ndryshme në lidhje me tregjet nën mbikëqyrje dhe rëndësinë e edukimit financiar për zhvillimin e tyre.
Temat kryesore të trajtuara përgjatë konferencës ishin:
- Sfidat për edukim financiar cilësor në arsimin parauniversitar;
- Dixhitalizimi në tregun e sigurimeve;
- Fondet e investimit në Shqipëri dhe krahasimi me fondet e investimit në botë;
- Bursa dhe faktorët që ndikojnë në funksion të saj;
- Arbitri mbi mosmarrëveshjet financiare: një model i ri për mbrojtjen e investitorëve;
- Vlerësimi i edukimit dhe sjelljes financiare në vendimmarrjen financiare;
- Zhvillimi i fondeve të pensioneve private vullnetare, etj.
Në përfundim të konferencës, Autoriteti dhe shoqatat e tregjeve nën mbikëqyrje, Shoqata e Siguruesve të Shqipërisë, Shoqata e Siguruesve të Jetës, Pensioneve Private dhe Fondeve të Investimit, si dhe Shoqata e Tregtimit të Titujve në Shqipëri shpërndanë çmime të ndryshme për punimet më të mira.
Çmimet lidheshin me kontrata punësimi në shoqëritë që veprojnë në tregjet nën mbikëqyrje, mundësinë e intershipeve apo dhurimin e pajisjeve dixhitale për studentët.
- Balla L., Balla F. Ndikimi i politikës fiskale në organizimin e tregut të instrumentave të borxhit publik
- Bazaj A., Nesturi A., Selmanaj K. Zhvillimi i tregut të fondeve të investimit në Shqipëri
- Dika I., Lleshaj A. Zhvillimi i tregut sekondar të titujve të Qeverisë si një mjet efikas për menaxhimin e borxhit publik në vend
- Dino S., Hakcani S., Sinaj B. Bursa dhe faktorët që ndikojnë në funksion të saj
- Grabova P., Canameri M., Guni M., Hoxha J. Vlerësimi i edukimit, qëndrimit dhe sjelljes financiare në vendimmarrjen financiare - Rasti i studentëve me ndihmë ekonomike
- Hodaj A., Muçaj A. Sfida për një edukim financiar cilësor në arsimin parauniversitar
- Mamo J., Basha J. Fondet e Investimit në Shqipëri. Krahasim me fondet e investimit në Botë
- Naqellari A., Angjeli G., Muslli M. Probleme të tregut financiar jo bankar në Shqipëri
- Ndoj A., Lila F., Lila M. Faktorët që ndikojnë në funksionimin e bursës
- Plepi A., Plepi A. Tregu i obligacioneve të Bashkive si alternativë për Financimin e Zhvillimit Urban
- Satka E., Plaku A., Hasaj A. Zhvillimi i fondeve private të pensioneve në Shqipëri -Një domosdoshmëri e kohës
- Selimi R. Roli i fondeve të pensionit në tregun financiar dhe rëndësia e tyre si investim afatgjatë për përfituesit
- Shehu E., Nikolla S. Zhvillimi i tregut të kapitaleve në Shqipëri, sfidat dhe masat që duhen marrë për nxitjen e tij
- Shehu I., Isufi A. Dixhitalizimi në tregun e sigurimeve
- Shehu I., Skënderas J. Roli i ndërmjetësve në sigurime si kontakti i parë me konsumatorët, kërkesat dhe kodi i sjelljes
- Sheqi E. Shpërblimi i Sigurimit në rastet e sigurimit të pronës
- Sinamati A., Çela A. Edukimi financiar si nxitës i kërkesës për shërbime financiare në tregjet financiare jobankare
- Stasa S., Vraja M. Tregu i pensioneve private vullnetare
- Tedeschini E. Arbitri mbi mosmarrëveshjet financiare, një model i ri për mbrojten e investitorëve
- Ukaj A., Terziu E., Hoxhaj A. Tregu i Sigurimeve
- Zani A., Mezini G., Duraj B. Ndikimi i thellësisë financiare në rritjen ekonomike, rasti i Shqipërisë