Volumi i tregut sekondar të letrave me vlerë të Qeverisë gjatë periudhës janar-mars 2014 u dominua në masën 84.79% nga transaksionet në instrumente afatshkurtër (bono thesari). Pjesa tjetër, prej 15.21%, ishin instrumente afatgjatë (obligacione). Përsa i takon numrit të transaksioneve, 94% e të gjitha transaksioneve të tregut sekondar të letrave me vlerë të Qeverisë, i takojnë transaksioneve të kryera me bono thesari.

Të dhënat statistikore të tregut me pakicë të letrave me vlerë të Qeverisë gjatë periudhës janar-mars 2014 flasin për një dominim të transaksioneve "Blerje në tregun primar" dhe "Shlyerje e vlerës nominale në maturim" përkatësisht me 64.70% dhe 20.42% kundrejt volumit të përgjithshëm.

Pjesëmarrja në tregun sekondar të letrave me vlerë të Qeverisë dominohet nga investitorët individualë, të cilët kryejnë rreth 96.64% të të gjitha transaksioneve në këtë treg.

Dy grupet e transaksioneve B dhe C

Transaksioni i llojit B "Shitje nga portofoli i ndërmjetësit financiar" gjatë periudhës janar-mars 2014, ka pasur një ulje në vlerë prej 9 milionë lekë ose 0.55%, krahasuar me periudhën janar-mars 2013. Kjo është shoqëruar edhe me ulje të numrit të transaksioneve në masën 6.61%.

Transaksioni i llojit C "Blerje nga individët para afatit të maturimit" gjatë periudhës janar-mars 2014, ka pasur një ulje në vlerë prej 137 milionë lekë ose 21.14% krahasuar me të njëtën periudhë të vitit të kaluar. Ndërkohë numri i transaksioneve është i njëjtë me atë të periudhës janar-mars 2013.

Krahasuar me periudhën janar-mars 2013, vihet re një ulje në vlerë absolute e totalit të transaksioneve të llojit B dhe C të marra së bashku me rreth 146.07 milionë lekë.

Tregu me Pakicë i Letrave me Vlerë të Qeverisë

Lloji i Transaksionit		Vlera nominale			Ndryshimi
		(në mln lekë)			(në %)
janar-mars		2013	2014		`14/`13-1
B	Shitje nga portofoli i ndërmjetësit  financiar	1,606.69	1,597.80	(0.55)
	Individë	1,566.84	1,480.45	(5.51)
	Persona juridike	39.85	117.35	194.49
C	Blerje nga individët para afatit të maturimit	649.06	511.88	(21.14)
	Individë	449.06	404.02	(10.03)
	Persona juridikë	200.00	107.86	(46.07)

Për të lexuar materialin e plotë të Tregut me Pakicë i Letrave me Vlerë të Qeverisë për periudhën janar - mars 2014 (në versionin EXCEL) klikoni këtu.