Autoriteti i Mbikëqyrjes Financiare organizoi seminarin për industrinë e sigurimeve me temë “Sigurimi i përgjegjësisë profesionale”
Autoriteti i Mbikëqyrjes Financiare (AMF) në bashkëpunim me Agjencinë e Mbikëqyrjes së Sigurimeve të Sllovenisë organizoi në datën 3 mars 2016 seminarin me temë “Sigurimi i Përgjegjësisë Profesionale”. Ky seminar u zhvillua edhe në kuadër të mbështetjes për Qendrën e Edukimit të ngritur pranë AMF-së.
Ekipi nga Sllovenia kryesohej nga Z. Sergej Simoniti, President i Këshillit të Ekspertëve njëkohësisht Drejtor i Agjencisë së Mbikëqyrjes së Sigurimeve të Sllovenisë dhe lektorë ishin Z. Igor Corossi, përfaqësues i Assicurazioni Generali S.p.A. dega Angli dhe Z. Gorazd Jenko, përfaqësues i TRIGLAV Insurance Company Ltd, Slloveni.
Drejtorja e Përgjithshme Ekzekutive e AMF-së, Znj. Enkeleda Shehi, gjatë fjalës së saj përshëndetëse, vuri theksin në forcimin e bashkëpunimit ndërmjet dy rregullatorëve për të rritur kapacitetet e brendshme të AMF-së që të jenë në gjendje të trajtojnë me efektshmëri çështje komplekse për t’iu përshtatur zhvillimit të tregut të sigurimeve, por gjithashtu, në rritjen e kapaciteteve profesionale te drejtuesve dhe profesionisteve të tregut, për të kuptuar më mirë se si funksionon sigurimi i përgjegjësisë për t’u siguruar që institucionet financiare që AMF mbikëqyr dhe rregullon të operojnë në mënyrë të sigurt dhe të shëndetshme për të përmirësuar funksionimin e tregut të sigurimeve dhe si rrjedhojë ofruar shërbime me cilësi të lartë për konsumatorët.
Disa nga temat kryesore që u trajtuan në seminar lidheshin me:
- Bazat e sigurimit të përgjegjësisë;
- Llojet e mbulimit;
- Zhvillimi i produkteve dhe vendosja e çmimeve;
- Aspektet ndërkombëtare;
- Risigurimi i Përgjegjësisë Profesionale.
Për më shumë informacione lidhur me këtë trajnim kontaktoni [email protected]
Për të lexuar fjalën përshëndetëse të Drejtores së Përgjithshme Ekzekutive klikoni këtu.
Për të aksesuar materialet e seminarit klikoni këtu.