23 Tetor 2020
Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 23 tetor 2020, Bordi i Autoritetit të Mbikëqyrjes Financiare, shqyrtoi dhe vendosi:
- Miratimin e prospektit dhe licencimin e Fondit të Investimeve “Raiffeisen MIX”;
- Miratimin e prospektit dhe licencimin e Fondit të Investimeve “WVP Global”;
- Miratimin e rregullores “Për administrimin e riskut nga shoqëria administruese e fondeve”;
- Miratimin e shoqërisë audituese për auditimin e pasqyrave financiare të shoqërisë administruese të SIK “ABI Invest” sh.a., për vitin financiar që mbyllet më 31.12.2020;
- Miratimin e shoqërive audituese për auditimin e pasqyrave financiare të shoqërive të sigurimit, për vitin financiar që mbyllet më 31.12.2020;
- Heqjen e licencave të subjekteve “Triumf Grup” sh.a dhe “Agora Securities” sh.a., për ushtrimin e veprimtarisë së tregtimit në tituj;
- Revokimin e licencës së disa vlerësuesve të dëmeve në sigurime;
- Miratimin e ndryshimit të Administratorit dhe të përbërjes së Këshillit të Administrimit të shoqërisë “Suntrust Broker” sh.a.;
- Miratimin e aksionarit të ri, riemërimin e anëtarëve të Këshillit Mbikëqyrës dhe Administratorit të shoqërisë së brokerimit në sigurime të Jo-Jetës “Eurobroker” sh.a.;
- Miratimin e emërimit të anëtarit të Këshillit të Administrimit, riemërimin e anëtarëve të Këshillit të Administrimit dhe Administratorit të shoqërisë së brokerimit në sigurime “MAI” sh.a.;
- Miratimin e emërimit të Administratorit dhe anëtarit të Këshillit të Administrimit të Shoqërisë Administruese të Fondit të Pensioneve “Sigal Life Uniqa Group Austria” sh.a.