Autoriteti i Mbikëqyrjes Financiare në zbatim të Ligjit nr. 32/2021 “Për sigurimin e detyrueshëm në sektorin e transportit” publikon për konsultim publik modelet e reja të policave të sigurimit të detyrueshëm, si më poshtë:

• Polica për sigurimin e detyrueshëm të mbajtësve të mjeteve motorike për përgjegjësinë ndaj palëve të treta (TPL);
• Polica për sigurimin e detyrueshëm nga aksidentet të pasagjerëve në transportin publik;
• Polica e sigurimit kufitar.

Modelet e reja të policave gjenden në linkun e mëposhtëm:
https://amf.gov.al/projekte.asp?id=3

Policat e reja të sigurimit, të cilat do të miratohen nga Autoriteti, pas procesit të konsultimit publik, reflektojnë disa nga ndryshimet kryesore të Ligjit nr. 32/2021, datë 16.03.2021 “Për sigurimin e detyrueshëm në sektorin e transportit”, si:

• Përfshirjen e Raportit Evropian të Aksidenteve, formular i cili u shpërndahet të siguruarve së bashku me policën e sigurimit;
• Mundësinë e të siguruarit për të kërkuar dëmshpërblim direkt nga shoqëria e tij e sigurimit, në rastin kur shkaktari i aksidentit është i pasiguruar apo i paidentifikuar;
• Afatet e reja për trajtimin e kërkesave për dëmshpërblim;
• Rritjen e limiteve të përgjegjësisë.    

Për më shumë, kontaktoni [email protected]