Sot, më 1 korrik 2021, hyn në fuqi Ligji nr. 32/2021 “Për sigurimin e detyrueshëm në sektorin e transportit”. Ligji, i miratuar në datën 16 mars 2021 në Kuvendin e Shqipërisë, rregullon sigurimin e detyrueshëm në sektorin e transportit dhe përfshin:

• Sigurimin e përgjegjësisë së pronarit/përdoruesit të mjetit motorik për dëmet e shkaktuara palëve të treta nga përdorimi i këtij mjeti;
• Sigurimin e pasagjerëve nga aksidentet në transportin publik;
• Sigurimin e përgjegjësisë së pronarit/përdoruesit të mjetit lundrues për dëmet e shkaktuara palëve të treta nga përdorimi i këtij mjeti;
• Sigurimin e përgjegjësisë së pronarit/përdoruesit të avionit për dëmet e shkaktuara palëve të treta dhe pasagjerëve nga përdorimi i këtij avioni.