28 Korrik 2021
Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 28 korrik 2021, Bordi i Autoritetit të Mbikëqyrjes Financiare, shqyrtoi dhe vendosi:
- Miratimin e Raportit të Mbikëqyrjes të Autoritetit të Mbikëqyrjes Financiare, për vitin 2020;
- Miratimin e rregullores “Për përcaktimin e rregullave dhe metodologjisë së llogaritjes së dëmshpërblimit që mbulohet nga kontrata e sigurimit të detyrueshëm në sektorin e transportit”;
- Miratimin e rregullores “Për llogaritjen e fondit të kompensimit, si dhe rastet e prekjes, të ndërhyrjes dhe rivendosjes së vlerës minimale të fondit të kompensimit”;
- Miratimin e disa ndryshimeve në Rregulloren nr. 195, datë 29.12.2020 “Për licencimin e shoqërisë komisionere, regjistrimin e degës së shoqërisë së huaj komisionere dhe njohjen e shoqërisë së huaj komisionere”;
- Miratimin e formatit të licencës së shoqërisë komisionere/bankës, për ofrimin e shërbimeve të investimit;
- Licencimin e shoqërisë “Banka Union”, për ofrimin e shërbimeve të investimit;
- Regjistrimin e akt-ofertës të shoqërisë “Banka Credins” sh.a., për emetimin e obligacioneve të nënrenditura;
- Miratimin e ndryshimeve të prospektit të fondit të investimeve “WVP Global”;
- Miratimin e ndryshimeve në prospektin e fondit të pensionit “Credins Pension”;
- Miratimin e emërimit të anëtarit të Këshillit Mbikëqyrës të shoqërive “Sigal Uniqa Group Austria” sh.a. dhe “Sigal Life Uniqa Group Austria” sh.a.;
- Miratimin e emërimit të anëtarit të Këshillit Mbikëqyrës të shoqërisë “Insig” sh.a.;
- Miratimin e ushtrimit të veprimtarisë së agjentit në sigurime.