30 Qershor 2022
Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 30 qershor 2022, Bordi i Autoritetit të Mbikëqyrjes Financiare, shqyrtoi dhe vendosi:
- Analizat financiare të shoqërive të sigurimit, për periudhën 31.12.2021 dhe 31.03.2022;
- Provigjonet teknike dhe matematike të shoqërive të sigurimit si dhe çështje të tjera aktuariale, siç paraqiten në raportimet për tremujorin e parë të vitit 2022;
- Ecurinë e realizimit të buxhetit 4-mujor të vitit 2022, të Autoritetit të Mbikëqyrjes Financiare;
- Miratimin e një ndryshimi në Rregulloren e AMF-së nr. 155, datë 23.12.2014 “Për përcaktimin e elementëve të përllogaritjes dhe nivelet e tarifave që u ngarkohen subjekteve të mbikëqyrura, si dhe procedurat e arkëtimit dhe rakordimit të tyre”, e ndryshuar;
- Pezullimin e licencave të shoqërisë “Aksioner International Securities Brokerage” sh.a. për ofrimin e shërbimeve të investimit në tituj;
- Miratimin e ushtrimit të veprimtarisë së agjentit në sigurime.