25 Nentor 2022
Mbi zhvillimin e mbledhjes së Bordit të Autoritetit të Mbikëqyrjes Financiare
Ditën e mërkurë, datë 30.11.2022, ora 11:00, zhvillohet mbledhja e Bordit të Autoritetit të Mbikëqyrjes Financiare, me këtë rend dite:
- Miratimi i procesverbalit të mbledhjes së kaluar;
- Miratimi i rendit të ditës;
- Informacion mbi strategjinë e Autoritetit të Mbikëqyrjes Financiare 2023-2027;
- Projekt “Për miratimin e buxhetit të vitit 2023 të Autoritetit të Mbikëqyrjes Financiare”;
- Projekt “Për miratimin e rregullores “Për procedurat e likuidimit vullnetar dhe likuidimit të detyrueshëm të Bursës DLT, Kujdestarit të Portofolit të Palëve të Treta dhe Sipërmarrjes së Automatizuar të Investimeve Kolektive TD””;
- Informacion mbi gjendjen financiare të tregjeve të Fondeve të Pensionit Vullnetar dhe SIK, mbi bazën e pasqyrave financiare të 30.09.2022;
- Projekt “Për regjistrimin e aktofertave të shoqërisë “Banka Amerikane e Investimeve” sh.a. për emetimin e obligacioneve në Lekë dhe në Euro”;
- Projekt “Për regjistrimin e aktofertës të shoqërisë “Banka e Parë e Investimeve” sh.a. për emetimin e obligacioneve në Euro”;
- Projekt “Për miratimin e ndryshimeve në prospektin e SIK “ABI Flex USD””;
- Projekt “Mbi inspektimin në vend pranë SHAFP dhe SIK “Albsig Invest” sh.a.”;
- Informacion mbi inspektimet në vend lidhur me parandalimin e pastrimit të parave dhe financimit të terrorizmit;
- Projekt “Për miratimin e shoqërive audituese, për shoqëritë e sigurimit “Intersig Vienna Insurance Group” sh.a. dhe “Sigma Interalbanian Vienna Insurance Group” sh.a. për vitin ushtrimor 2022”;
- Projekt “Për miratimin e riemërimit të anëtarëve të Këshillit të Administrimit të shoqërisë “ABI Invest” - Shoqëri Administruese e Sipërmarrjeve të Investimeve Kolektive sh.a.”;
- Projekt “Për miratimin e personelit kyç të shoqërisë “Tirana Bank” - Depozitar i Aseteve të Fondeve të Pensionit Vullnetar dhe i Sipërmarrjeve të Investimeve Kolektive sh.a.”;
- Projekt “Për rinovimin e licencës së Aktuarëve të Autorizuar në sigurime”;
- Projekt “Mbi miratimin e ushtrimit të veprimtarisë së agjentit në sigurime”;
- Të tjera.