Mbi zhvillimin e mbledhjes së Bordit të Autoritetit të Mbikëqyrjes Financiare
Në mbledhjen e datës 29 shtator 2010, Bordi i Autoritetit të Mbikëqyrjes Financiare, zhvilloi një seancë konsultative me Autoritetin e Konkurrencës, më pas, shqyrtoi dhe miratoi vendimet e mëposhtme:
1. autorizimin për ushtrim veprimtarie si Kujdestar në letrat me vlerë të Qeverisë së Republikës së Shqipërisë për
shoqërinë "Raiffeisen Bank" sh.a;
2. autorizimin për ushtrim veprimtarie si Kujdestar në letrat me vlerë të Qeverisë së Republikës së Shqipërisë për
shoqërinë "First Investment Bank" sh.a;
3. licencën për ushtrim veprimtarie si tregtar në letrat me vlerë të Qeverisë së Republikës së Shqipërisë në Bursë
dhe në tregun me pakicë për shoqërinë "First Investment Bank" sh.a;
4. licencimin e zj. Elma Lloja dhe zj. Anilda Mirdita si broker për tregtimin e letrave me vlerë në emër dhe për
llogari të shoqërisë "First Investment Bank" sh.a;
5. miratimin e shoqërisë "Deloitte Albania" sh.p.k, në cilësinë e Ekspertit Kontabël të regjistruar për auditimin e
pasqyrave financiare për vitin 2010, të shoqërive të sigurimit "Albsig" sh.a dhe "Intersig" sh.a;
6. miratimin e shoqërisë "Price Waterhouse Coopers" sh.p.k, në cilësinë e Ekspertit Kontabël të Regjistruar për
auditimin e pasqyrave financiare për vitin 2010, të shoqërisë së sigurimit "Eurosig" sh.a;
7. miratimin e shoqërisë "KPMG Albania" sh.p.k, në cilësinë e Ekspertit Kontabël të Regjistruar për auditimin e
pasqyrave financiare për vitin 2010, të shoqërisë së sigurimit "Sicred" sh.a;
8. miratimin e planit financiar të Autoritetit të Mbikëqyrjes Financiare për vitin 2011";
9. miratimin paraprak të bashkimit me përthithje të shoqërisë "Sigal Uniqa Group Austria" sh.a me shoqërinë
"Sigal Holding" sh.a, si dhe;
10. licencimin e shoqërisë "Havus Albania" sh.a, si shoqëri vlerësuesish dëmesh në sigurime.