31 Maj 2023
Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 31.05.2023, Bordi i Autoritetit të Mbikëqyrjes Financiare, shqyrtoi dhe vendosi:
- Miratimin e nënshkrimit të Memorandumit të Mirëkuptimit ndërmjet Autoritetit të Mbikëqyrjes Financiare dhe Autoritetit Austriak të Tregjeve Financiare (FMA);
- Miratimin e projektrregullores “Për licencimin dhe funksionimin e platformës shumëpalëshe të tregtimit (PSHT), platformës së organizuar të tregtimit (POT) dhe kërkesat për shoqëritë komisionere që veprojnë si internalizues sistematikë”;
- Miratimin e projektrregullores “Për kriteret e licencimit dhe funksionimit të Bursave/operatorëve të tregut, që vënë në funksion veprimtarinë e një tregu të rregulluar”;
- Miratimin e projektrregullores “Për licencimin dhe ushtrimin e veprimtarisë së Depozitarit Qendror të Titujve”;
- Miratimin e projektrregullores “Për kërkesat e licencimit dhe të funksionimit të shtëpisë së klerimit dhe kundërpalës qendrore (CCP)”;
- Miratimin e projektrregullores “Për kriteret dhe kërkesat për miratimin e shoqërisë audituese të shoqërisë komisionere dhe institucioneve të tregut”;
- Miratimin e projektrregullores “Për procedurat dhe shqyrtimin e ankesave në Autoritetin e Mbikëqyrjes Financiare”;
- Miratimin e “Manualit të Mbikëqyrjes me Bazë Rrezikun, për tregun e sigurimeve”;
- Miratimin e “Udhëzimit për matricën e rrezikut dhe treguesit analitikë për tregun e sigurimeve të jojetës”;
- Regjistrimin e aktofertës së shoqërisë “Banka Credins” sh.a., për emetimin e obligacioneve;
- Miratimin e emërimit në pozicionin e anëtarit të Këshillit Mbikëqyrës të shoqërisë “Atlantik-Shoqëri Sigurimesh” sh.a.;
- Miratimin e riemërimit të anëtarëve të Këshillit Mbikëqyrës të shoqërisë “Bursa Shqiptare e Titujve ALSE” sh.a.;
- Miratimin e riemërimit të anëtarëve të Këshillit Mbikëqyrës dhe anëtarit të Bordit të Drejtorëve të shoqërisë së sigurimit “Intersig Vienna Insurance Group” sh.a.;
- Miratimin e riemërimit të anëtarëve të Këshillit Mbikëqyrës të shoqërisë së sigurimit “Insig Jetë” sh.a.;
- Miratimin e riemërimit të Zv. Administratorit të Përgjithshëm të shoqërisë “Raiffeisen Invest - Shoqëri Administruese e Fondeve të Pensionit dhe Sipërmarrjeve të Investimeve Kolektive” sh.a.;
- Miratimin e riemërimit të Administratorit të Përgjithshëm të shoqërisë “Credins Invest - Shoqëri Administruese e Fondeve të Pensionit dhe Sipërmarrjeve të Investimeve Kolektive” sh.a.;
- Miratimin e ndryshimit të strukturës aksionare të shoqërisë “GrECo Albania Insurance & Reinsurance Brokers” sh.a., si rezultat i shitjes së aksioneve;
- Miratimin e heqjes me kërkesë, të licencës së brokerit në sigurime;
- Miratimin e ushtrimit të veprimtarisë së agjentit në sigurime.