Zhvillimet e Tregut të Titujve të Qeverisë jashtë Bursës për periudhën janar-qershor 2024

Të dhënat statistikore të tregut të titujve të Qeverisë jashtë Bursës për periudhën janar-qershor 2024, flasin për një dominim të transaksioneve “Marrje dhe Transmetim urdhri në tregun primar (Ankand)” dhe “Shlyerje e vlerës nominale në maturim” përkatësisht me 46.49% dhe 40.09% kundrejt vëllimit të përgjithshëm.

Vëllimi i tregut sekondar të titujve të Qeverisë të realizuara jashtë Burse për periudhën janar-qershor 2024, u dominua në masën 68.38% nga transaksione në instrumente afatgjatë (obligacione) dhe 31.62% nga transaksionet në instrumente afatshkurtër (bono thesari).
Parë nga këndvështrimi i numrit të transaksioneve, 85.09% e të gjitha transaksioneve të tregut sekondar të titujve të Qeverisë jashtë Burse, i takojnë transaksioneve të kryera në bono thesari.

Pjesëmarrja në tregun sekondar të titujve të Qeverisë jashtë Burse, për periudhën janar-qershor 2024 dominohet nga investitorët individualë, të cilët kryejnë 98.10% të të gjitha transaksioneve në këtë treg.
                                   

Grafik:Tregu i Titujve të Qeverisë jashtë Burse për periudhën janar-qershor 2024         

1. Marrje dhe Transmetim urdhri në tregun primar (Ankand) Shitje nga portofoli i ndërmjetësit financiar
2. Tregtim për llogari të vet kur ekzekuton urdhrat e klientit (Shitja e titujve të Qeverisë investitorit nga portofoli i bankës, apo shoqërisë komisionere)
3. Tregtim për llogari të vet kur ekzekuton urdhrat e klientit (Blerja e titujve të Qeverisë nga banka apo shoqëria komisionere para datës së maturimit nga investitori)
4. Vendosja si kolateral
5. Shlyerje e vleres nominale ne maturim
6. Ekzekutimi i urdhrit të klientit (jo nga dhe për llogari të portofolit të subjektit)

Tre grupet e transaksioneve B, C dhe F

Transaksioni i llojit B “Tregtim për llogari të vet kur ekzekuton urdhrat e klientit (Shitja e titujve të Qeverisë investitorit nga portofoli i bankës, apo shoqërisë komisionere)” gjatë periudhës janar-qershor 2024, ka pasur një rritje prej 3,591 milionë lekë ose 133.21% krahasuar me periudhën janar-qershor 2023. Ndërkohë, numri i transaksioneve i llojit B është ulur në masën 9.96%.

Transaksioni i llojit C “Tregtim për llogari të vet kur ekzekuton urdhrat e klientit (Blerja e titujve të Qeverisë nga banka apo shoqëria komisionere para datës së maturimit nga investitori)” gjatë periudhës janar-qershor 2024, ka pasur një rritje prej 19 milionë lekë ose 1.40%. Numri i transaksioneve është ulur me 5.04% krahasuar me periudhën janar-qershor 2023.

Transaksioni i llojit F “Ekzekutimi i urdhrit të klientit (jo nga dhe për llogari të portofolit të subjektit)” , gjatë periudhës janar-qershor 2024, është realizuar transaksion me vlerë nominale 2 milionë lekë.

Në totalin e transaksioneve të llojit B, C dhe F të marra së bashku, vihet re një rritje në vlerë absolute me rreth 3,612 milionë lekë, krahasuar me periudhën janar-qershor 2023.

Tregu Sekondar i Titujve të Qeverisë jashtë Bursës

 

Lloji i Transaksionit		Vlera nominale		Ndryshimi
		(në mln lekë)		(në %)
janar-qershor		2023	2024	`24/`23-1
B	Tregtim për llogari të vet kur ekzekuton urdhrat e klientit (Shitja e titujve të Qeverisë investitorit nga portofoli i bankës, apo shoqërisë komisionere)	2,696.01	6,287.48	133.21
	Klientë joprofesionistë (Individë)	2,336.33	3,094.38	32.45
	Klientë joprofesionistë (persona juridikë)	359.68	2,965.00	724.34
	Klientë profesionistë/palë e pranueshme/klient i kualifikuar	-	228.10	100.00
C	Tregtim për llogari të vet kur ekzekuton urdhrat e klientit (Blerja e titujve të Qeverisë nga banka apo shoqëria komisionere para datës së maturimit nga investitori)	1,326.64	1,345.23	1.40
	Klientë joprofesionistë (Individë)	1,218.44	992.03	(18.58)
	Klientë joprofesionistë (persona juridikë	108.20	3.20	(97.04)
	Klientë profesionistë/palë e pranueshme/klient i kualifikuar	-	350.00	100.00
F	Ekzekutimi i urdhrit të klientit (jo nga dhe për llogari të portofolit të subjektit)	-	2.00	100.00
	Klientë joprofesionistë (Individë)	-	-	-
	Klientë joprofesionistë (persona juridikë)	-	-	-
	Klientë profesionistë/palë e pranueshme/klient i kualifikuar	-	2.00	100.00

Për të lexuar materialin e plotë të raportit statistikor për periudhën janar-qershor 2024 (në versionin EXCEL) klikoni këtu.