Zhvillimet e Tregut të Fondeve të Investimeve, 30.06.2024

Gjatë periudhës janar-qershor 2024, në tregun e fondeve të investimeve ushtruan aktivitetin e tyre pesëmbëdhjetë fonde investimi. Fondi i investimeve “Raiffeisen Prestigj”, “Raiffeisen Invest Euro”, “Raiffeisen Vizion”, “Raiffeisen Mix” dhe “Raiffeisen Solid” të administruara nga shoqëria “Raiffeisen Invest” sh.a, fondi i investimeve “Credins Premium” së bashku me fondet alternative “SEE LAND” dhe “GREEN VIEW” janë nën administrimin e shoqërisë administruese “Credins Invest” sh.a, fondi “WVP Top Invest” dhe fondi “WVP GLOBAL” administrohen nga shoqëria “WVP Fund Management Tirana sh.a”, fondi i investimeve “Albsig Standard”  nën administrimin e shoqërisë administruese “Albsig Invest” sh.a, fondi “ABI EIA”, “ABI FLEX EURO”, “ABI FLEX USD”, administrohen nga shoqëria “ABI Invest” sh.a, fondi i investimeve “Sigal Invest” nën administrimin e shoqërisë administruese “SIGAL-LIFE UNIQA GROUP AUSTRIA”.

Sipas analizës së të dhënave për tregun e fondeve të investimeve në 30.06.2024, vlera neto e aseteve të Fondeve, arriti rreth 53.19 miliardë lekë me një rritje prej 2,902 miliardë lekë ose 5.77%, krahasuar me 31.12.2023.
Ky treg dominohet kryesisht nga investimet në Obligacione Qeveritare, të cilat përbëjnë 62.86% të aseteve të fondeve, me një rritje prej 4.18% krahasuar me 31.12.2023.
Numri i anëtarëve që kanë investuar në Fondet e Investimit më 30.06.2024 është 34,411 me një rritje prej 6.90% krahasuar me 31.12.2023.

Tregues të fondeve të investimeve