Zhvillohet mbledhja e Bordit të Autoritetit të Mbikëqyrjes Financiare
Në mbledhjen e datës 13 janar 2011, Bordi i Autoritetit të Mbikëqyrjes Financiare, shqyrtoi dhe miratoi:
1. Rregulloren "Për delegimin e funksioneve të shoqërisë administruese të fondeve të pensioneve";
Kjo rregullore hartohet në mbështetje të dispozitave të nenit 41, paragrafi 3, të Ligjit nr. 10197, datë 10.12.2009 "Mbi fondet e pensionit vullnetar" dhe ka për qëllim të përcaktojë llojet e funksioneve, rregullat dhe procedurat për delegim të funksioneve nga shoqëria administruese te palët e treta.
2. Rregulloren "Për përmbajtjen e kontratës së fondit të pensionit dhe të prospektit";
Kjo rregullore hartohet në mbështetje të dispozitave të nenit 9, paragrafi 4, të Ligjit nr. 10197, datë 10.12.2009 "Mbi fondet e pensionit vullnetar" dhe përcakton rregulla më të hollësishme të përmbajtjes të kontratës dhe prospektit të fondit të pensionit vullnetar.
3. Konkluzione si dhe masa korrigjuese në lidhje me analizën e shoqërive të sigurimit për periudhën deri në 30.09.2010;
4. Buxhetin e Byrosë Shqiptare të Sigurimit për vitin 2011;
5. Propozimin e Byrosë Shqiptare të Sigurimit "Për Krijimin e Fondit të Kompensimit për vitin 2011";
6. Ndryshimin e statutit të shoqërisë së sigurimit "Albsig" sh.a, si rezultat shitjes së 9.9% të kapitalit të shoqërisë nga aksionarët ekzistues tek shoqëria e sigurimit sllovene "Zavarovalnica Triglav d.d";
7. Anëtarët e rinj të Këshillit Mbikëqyrës të shoqërisë "Sigal-Life Uniqa Group Austria" sh.a;
8. Licencimin si vlerësues të dëmeve në sigurime;
9. Licencimin si agjentë në sigurime të jo-jetës, në emër dhe për llogari të shoqërisë së sigurimit "Insig" sh.a;
10. Transferimin e paketës kontrolluese në masën 100% të shoqërisë së brokerimit "Broker Gaba" sh.a;
11. Ndryshimin e Këshillit Mbikëqyrës dhe emrit të shoqërisë së brokerimit "Broker Gaba" sh.a;
12. Tërheqjen e licencës për ushtrim aktiviteti si broker në sigurime, të shoqërisë "First Broker" sh.a, pas kërkesës së shoqërisë për mbyllje aktiviteti;
13. Planin financiar të Autoritetit të Mbikëqyrjes Financiare për vitin 2011;
14. Shtrirjen e ushtrimit të veprimtarisë të sigurimit të jetës, të shoqërisë "Sigal Uniqa Group Austria" sh.a, në territorin e Republikës së Maqedonisë dhe territorin e Republikës së Kosovës";
15. Ndryshimet në statutin e shoqërisë së sigurimit "Sigal Uniqa Group Austria" sh.a.