Zhvillimet e Tregut me Pakicë të Letrave me Vlerë të Qeverisë për vitin 2010
Tregu sekondar i letrave me vlerë të Qeverisë gjatë vitit 2010 u dominua në masën 87.18% nga transaksionet në instrumenta afatshkurtër (bono thesari) dhe 12.82% nga instrumenta afatgjatë (obligacione). Përsa i takon numrit të transaksioneve, 98.73% e gjithë transaksioneve të tregut sekondar të letrave me vlerë të Qeverisë, i takojnë transaksioneve të kryera me bono thesari.
Të dhënat statistikore të tregut me pakicë të letrave me vlerë të Qeverisë për vitin 2010, flasin për një dominim të transaksioneve "Shlyerje e vlerës nominale në maturim" dhe "Shitje nga portofoli i ndërmjetësit financiar" përkatësisht me 46.39% dhe 24.74% kundrejt volumit të përgjithshëm.
Pjesëmarrja në tregun sekondar të letrave me vlerë të Qeverisë dominohet nga investitorët individualë, të cilët kryejnë rreth 96.66% të gjithë transaksioneve në këtë treg, në raport me personat juridikë.
Dy grupet e transaksioneve B dhe C
Transaksioni i llojit B "Shitje nga portofoli i ndërmjetësit financiar" gjatë vitit 2010 ka pasur një zbritje prej 8,724.60 milionë lekë ose në masën 42.84%, krahasuar me vitin 2009, shoqëruar me një ulje në masën 10.80% të numrit të transaksioneve.
Transaksioni i llojit C "Blerje nga individët para afatit të maturimit" gjatë vitit 2010 ka pasur një rritje prej 1,241.88 milionë lekë ose 42.09%, krahasuar me vitin 2009, ndjekur nga një rritje në masën 54.67% të numrit të transaksioneve.
Krahasuar me vitin 2009, vihet re një zbritje në vlerë absolute e totalit të transaksioneve të llojit B dhe C, të marra së bashku, me rreth 7,482.73 milionë lekë.
Tregu me Pakicë i Letrave me Vlerë të Qeverisë 2009, 2010
Lloji i Transaksionit |
Vlera nominale |
Ndryshimi |
||
(në mln lekë) |
(në %) |
|||
Viti |
2009 |
2010 |
`01/`09-1 |
|
Letra me Vlerë të Qeverisë |
||||
B |
Shitje nga portofoli i ndërmjetësit financiar |
20,367.23 |
11,642.63 |
(42.84) |
|
Individë |
8,196.13 |
7,278.34 |
(11.20) |
|
Persona juridike |
12,171.10 |
4,364.29 |
(64.14) |
C |
Blerje nga individët para afatit të maturimit |
2,950.54 |
4,192.42 |
42.09 |
|
Individë |
1,052.54 |
2,747.46 |
161.03 |
|
Persona juridikë |
1,897.99 |
1,444.95 |
(23.87) |