Tregu sekondar i letrave me vlerë të Qeverisë gjatë periudhës janar - mars 2011 u dominua në masën 93.73% nga transaksionet në instrumenta afatshkurtër (bono thesari) dhe 6.27% nga instrumenta afatgjatë (obligacione). Përsa i takon numrit të transaksioneve, 98.77% e të gjitha transaksioneve të tregut sekondar të letrave me vlerë të Qeverisë, i takojnë transaksioneve të kryera me bono thesari.

Të dhënat statistikore të tregut me pakicë të letrave me vlerë të Qeverisë për periudhën janar - mars 2011, flasin për një dominim të transaksioneve  "Shlyerje e vlerës nominale në maturim" dhe "Blerje ne tregun primar" përkatësisht me 45.54% dhe 28.95% kundrejt volumit të përgjithshëm.

Pjesëmarrja në tregun sekondar të letrave me vlerë të Qeverisë dominohet nga investitorët individualë, të cilët kryejnë rreth 97.40% të të gjitha transaksioneve në këtë treg, në raport me personat juridikë.

Dy grupet e transaksioneve  B dhe C

Transaksioni i llojit B "Shitje nga portofoli i ndërmjetësit financiar" gjatë periudhës janar - mars 2011 ka patur një zbritje prej 1,764.51 milionë lekë ose në masën 50.02%, krahasuar me periudhën janar - mars 2010, shoqëruar me një ulje në masën 38.16% të numrit të transaksioneve.

Krahasuar me periudhën janar - mars 2010, vihet re një zbritje në vlerë absolute e totalit të transaksioneve të llojit B dhe C, të marra së bashku, me rreth 1,642.15  milionë lekë.

Për të lexuar materialin e plotë të tregut me pakicë të letrave me vlerë të Qeverisë për periudhën janar - mars 2011 (në versionin EXCEL) klikoni këtu

Për të lexuar materialin e plotë të tregut me pakicë të letrave me vlerë të Qeverisë për periudhën janar - mars 2011 (në versionin PDF) klikoni këtu