Zhvillimet e Tregut të Sigurimeve në Shqipëri për periudhën janar-maj 2011
Të ardhurat nga primet e sigurimit, në periudhën janar-maj 2011, arritën rreth 3,603 milionë lekë, ose 8.79% më shumë se në të njëjtën periudhë të vitit të kaluar. Gjatë periudhës janar-maj 2011 numri i kontratave të sigurimit të lidhura arriti në 512,876 duke dyfishuar numrin e kontratave krahasuar me të njëjtën periudhë të një viti më parë. Tregu vazhdoi të mbetet sërish i orientuar tek sigurimet e Jo-Jetës që sollën rreth 87.80% të vëllimit të përgjithshëm të primeve, duke i lënë sigurimet e Jetës me rreth 11.93% dhe veprimtarinë e risigurimit me 0.27%. Parë nga këndvështrimi i ndarjes së tregut sipas llojit të sigurimit i detyrueshëm dhe vullnetar, primet e shkruara bruto të sigurimit vullnetar zënë 56.57% dhe primet e shkruara bruto të sigurimit të detyrueshëm zënë 43.43% të totalit të tregut
Sigurimi i Detyrueshëm
Primet në sigurimet e detyrueshme motorike arritën shifrën 1,565 milionë lekë, ose rreth 4.23% më pak se në të njëjtën periudhë të vitit të kaluar.
Produkti MTPL e brendshme gjatë periudhës janar-maj të vitit 2011 pati një ulje prej 23.28% për primet e shkruara bruto, ndërsa numri i kontratave pati një rritje prej 0.79% krahasuar me periudhën janar-maj të vitit 2010.
Produkti Sigurim Kufitar në periudhën janar-maj 2011 pati një ulje prej 1.45% për primet e shkruara bruto shoqëruar dhe me uljen e numrit të kontratave prej 11.21% krahasuar me të njëjtën periudhë të një viti më parë.
Produkti Karton Jeshil në periudhën janar-maj 2011 pati një rritje prej 62.60% për primet e shkruara bruto, shoqëruar dhe me rritjen e numrit të kontratave prej 41.37% krahasuar me të njëjtën periudhë të një viti më parë.
Sigurimi Vullnetar
Primet e sigurimit vullnetar, në periudhën janar-maj të vitit 2011, arritën rreth 2,038 milionë lekë, ose 21.46% më shumë se në të njëjtën periudhë të një viti më parë por dhe me një katërfishim të numrit të kontratave të sigurimit krahasuar me janar-majin e vitit 2010.
Sigurimet vullnetare të Jo-Jetës gjatë periudhës janar-maj 2011 patën rritje me rreth 16.79% kundrejt janar- majit të vitit 2010.
Në portofolet e pronës, përgjegjësive, garancive me të ardhura rreth 929 milionë lekë në total, vendin e parë e zunë zjarri dhe rreziqet shtesë, me rreth 45.04%, të pasuara nga sigurimi i përgjegjësive të përgjithshme civile me rreth 21.94%
Në portofolin Zjarri dhe rreziqet shtesë gjatë periudhës janar-maj të vitit 2011 ndihet një rritje prej 18.23% e numrit të kontratave të sigurimit dhe rritje me rreth 13.82% të volumit të primeve të shkruara bruto të këtij portofoli, krahasuar me janar- majin e vitit 2010.
Të ardhurat nga sigurimet e aksidenteve personale dhe shëndetit gjatë periudhës janar-maj 2011 arritën në rreth 420 milionë lekë, duke shënuar një rritje prej 141.98% në krahasim me janar-majin e vitit 2010. Peshën më të madhe e mbajtën sigurimet e shëndetit me rreth 89.20% të të ardhurave të këtij grupi.
Primet nga sigurimet e Jetës gjatë periudhës janar-maj 2011 arritën 430 milionë lekë, ose rreth 42.83% më shumë se janar - maji i vitit të kaluar.
Dëmet e Paguara Bruto
Pagesat e dëmeve gjatë periudhës janar-maj 2011 u rritën me rreth 9.17% krahasuar me janar-majin e vitit 2010. Pjesa më e madhe e dëmeve të paguara bruto u përket sigurimeve motorike me 709 milionë lekë, apo 78.44% të totalit të dëmeve të paguara bruto.
Dëmi mesatar për produktet e sigurimit motorik, është paraqitur në tabelën e mëposhtme:
në mijë lekë
Lloji i sigurimit |
janar-maj |
|
2010 |
2011 |
|
Dëmi mesatar |
||
MTPL e brendshme |
106 |
158 |
Karton Jeshil |
1,103 |
488 |
Kasko |
95 |
85 |
Për çdo të interesuar, Buletini Statistikor për periudhën janar-maj 2011, përmban pasqyra të detajuara të ndarjes së Tregut të Sigurimeve sipas llojit të sigurimit, sipas produkteve të sigurimit, pjesëmarrjes së shoqërive të sigurimit ne treg, etj.