Të ardhurat nga primet e sigurimit, në periudhën janar-korrik 2011, arritën rreth 5,196 milionë lekë, ose 7.80% më shumë se në të njejtën periudhë të vitit të kaluar. Gjatë periudhës janar-korrik 2011 numri i kontratave të sigurimit të lidhura arriti në 756,821 duke dyfishuar numrin e kontratave krahasuar me të njëjtën periudhë të një viti më parë. Tregu vazhdoi të mbetet sërish i orientuar tek sigurimet e Jo-Jetës që sollën rreth 87.30% të vëllimit të përgjithshëm të primeve, duke i lënë sigurimet e Jetës me rreth 12.51% dhe veprimtarinë e risigurimit me 0.18%. Parë nga këndvështrimi i ndarjes së tregut sipas llojit të sigurimit: i detyrueshëm dhe vullnetar, primet e shkruara bruto të sigurimit vullnetar zënë 55.59% dhe primet e shkruara bruto të sigurimit të detyrueshëm motorik zënë 44.14% të totalit të tregut.

Sigurimi i Detyrueshëm Motorik

Primet në sigurimin e detyrueshëm motorik arritën shifrën 2,308 milionë lekë, ose rreth 5.85 % më pak se në të njëjtën periudhë të vitit të kaluar.

Produkti MTPL e brendshme  gjatë periudhës janar-korrik të vitit 2011 pati një ulje prej 22.69 % për primet e shkruara bruto, ndërsa numri i kontratave pati një rritje prej 2.35% krahasuar me periudhën janar-korrik  të vitit 2010.

Produkti Sigurim Kufitar në periudhën janar-korrik  2011 pati një ulje prej 0.32% për primet e shkruara bruto shoqëruar me një ulje të numrit të kontratave prej 9.08% krahasuar me të njëjtën periudhë të një viti më parë.

Produkti Karton Jeshil në periudhën janar-korrik  2011 pati një rritje prej 51.88% për primet e shkruara bruto, shoqëruar dhe me rritjen e numrit të kontratave prej 40.69% krahasuar me të njëjtën periudhë të një viti më parë.

Sigurimi Vullnetar

Primet e sigurimit vullnetar, në periudhën janar - korrik të vitit 2011, arritën rreth 2,889 milionë lekë, ose 21.90% më shumë se në të njëjtën periudhë të një viti më parë, shoqëruar me një katërfishim të numrit të kontratave.

Sigurimet vullnetare të Jo-Jetës gjatë periudhës janar - korrik  2011  patën rritje me rreth 19.18 %  kundrejt periudhë janar- korrik të vitit 2010.

Në portofolet e pronës, përgjegjësive, garancive me të ardhura rreth 1,278 milionë lekë në total, vendin e parë e zuri sigurimi nga zjarri dhe rreziqet shtesë, me rreth 56.85%, i pasuar nga sigurimi i përgjegjësive të përgjithshme civile me rreth 19.81% .

Në portofolin ‘Zjarri dhe rreziqet shtesë' gjatë periudhës janar-korrik të vitit 2011 ndihet një rritje prej 14.01% e numrit të kontratave të sigurimit dhe rritje me rreth 12.10 % e volumit të primeve të shkruara bruto të këtij portofoli, krahasuar me periudhën janar-korrik  të vitit 2010.

Të ardhurat nga sigurimet e aksidenteve personale dhe shëndetit gjatë periudhës janar-korrik 2011 arritën në rreth 586 milionë lekë, duke shënuar një rritje prej 153.11% në krahasim me të njëjtën periudhë të vitit 2010. Peshën më të madhe e mbajtën sigurimet e shëndetit me rreth 89.86% të të ardhurave të këtij grupi.

Primet nga sigurimet e Jetës gjatë periudhës janar-korrik  2011 arritën 650 milionë lekë, ose rreth 37.95% më shumë se në të njëjtën periudhë të vitit të kaluar.

Pagesat e dëmeve gjatë periudhës janar-korrik 2011 u rritën me rreth 6.72% krahasuar me periudhën  janar-korrik të vitit 2010. Pjesa më e madhe e dëmeve të paguara bruto u përket sigurimeve motorike me 1,004 milionë lekë, që përbëjnë rreth 79.49% të totalit të dëmeve të paguara bruto.

Dëmi mesatar për produktet e sigurimit motorik paraqitet në tabelën e mëposhtme:

në mijë lekë