Nëpërmjet këtij informacioni synohet të jepet një panoramë mbi zhvillimet kryesore në tregun e pensioneve private vullnetare gjatë vitit 2011. 

Zhvillim i rëndësishëm gjatë vitit 2011 në tregun e pensioneve private vullnetare ka qenë licensimi i operatorëve, që pritet të luajnë një rol të rëndësishëm në maturimin e këtij tregu duke rritur më tej besueshmërinë e publikut në investimin e fondeve në skemën e pensioneve private vullnetare. Një aspekt i rëndësishëm në punën e AMF-së pas hyrjes në fuqi të Ligjit të ri nr. 10197, datë 10.12.2009 "Për fondet e pensionit vullnetar", ka qenë plotësimi i mëtejshëm i kuadrit ligjor. Skema e re e organizimit dhe funksionimit të pensioneve private vullnetare, e sanksionuar në ligjin e ri, përbën një risi për tregun financiar shqiptar. Në janar të vitit 2011 në treg zhvillonte aktivitetin një operator i licensuar sipas kërkesave të reja, ndërsa gjatë vitit u licensuan dhe 2 operatorë të tjerë.

Analiza e të dhënave për tregun e pensioneve private vullnetare në fund të vitit  2011, tregon një total të ardhurash nga kontributet prej 177 mln lekë prej të cilëve rreth 44% paguhet nga anëtarët, ndërsa pjesa tjetër nga punëdhënësit. Vlera mesatare e kontributit mujor të derdhur në fondet e pensioneve private vullnetare gjatë këtij viti ka variuar nga 2,000 lekë deri në 13,600 lekë në varësi të fondit. Gjatë vitit 2011, numri i anëtarëve aktivë, ose anëtarëve, që kanë kryer të paktën një derdhje kontributi, është 5,275 nga 6,295 anëtarë gjithsej që janë të rregjistruar deri më 31 dhjetor 2011 në këto fonde.

* shifrat e pasqyruara në tabelë nuk përfshijnë ato të Fondit “Sicred Pension”, aktiviteti i së cilës do të pasqyrohet në periudhat në vijim, pasi licensa e kësaj shoqërie i përket fundit të vitit 2011;

** kthimi mesatar nominal nga investimi (%) bazuar në praktikat e OECD, llogaritet si raport ndërmjet të ardhurave neto nga investimi në fund të periudhës dhe nivelit mesatar të aseteve gjatë periudhës.