Zhvillimet e Tregut me Pakicë të Letrave me Vlerë të Qeverisë për periudhën janar-qershor 2012
Tregu sekondar i letrave me vlerë të Qeverisë gjatë periudhës janar-qershor 2012 u dominua në masën 78.25% të volumit të tij nga transaksionet në instrumente afatshkurtër (bono thesari) dhe pjesa tjetër prej 21.75% ishin instrumente afatgjatë (obligacione). Përsa i takon numrit të transaksioneve, 97% e të gjitha transaksioneve të tregut sekondar të letrave me vlerë të Qeverisë, i takojnë transaksioneve të kryera me bono thesari.
Të dhënat statistikore të tregut me pakicë të letrave me vlerë të Qeverisë për periudhën janar-qershor 2012, flasin për një dominim të transaksioneve “Blerje në tregun primar” dhe “Shlyerje e vlerës nominale në maturim” përkatësisht me 42.67% dhe 31.65% kundrejt volumit të përgjithshëm.
Pjesëmarrja në tregun sekondar të letrave me vlerë të Qeverisë dominohet nga investitorët individualë, të cilët kryejnë rreth 98.12% të të gjitha transaksioneve në këtë treg, në raport me personat juridikë.
Dy grupet e transaksioneve B dhe C
Transaksioni i llojit B “Shitje nga portofoli i ndërmjetësit financiar” gjatë periudhës janar-qershor 2012 ka pasur një rritje prej 293.55 milionë lekë ose në masën 8.34%, krahasuar me të njëjtën periudhë të vitit të kaluar. Kjo është shoqëruar me një ulje në masën 6.85% të numrit të transaksioneve.
Transaksioni i llojit C “Blerje nga individët para afatit të maturimit” gjatë periudhës janar-qershor 2012 ka pasur një ulje prej 341.07 milionë lekë ose 20.68%, krahasuar me të njëjtën periudhë të vitit të kaluar. Kjo është shoqëruar me një rritje në masën 2.04% të numrit të transaksioneve.
Krahasuar me periudhën janar-qershor 2011, vihet re një ulje në vlerë absolute e totalit të transaksioneve të llojit B dhe C, të marra së bashku, me rreth 47.52 milionë lekë.
Tregu me Pakicë i Letrave me Vlerë të Qeverisë 2011, 2012
Lloji i Transaksionit |
Vlera nominale |
Ndryshimi |
|||
(në mln lekë) |
(në %) |
||||
Janar–Qershor |
2011 |
2012 |
`12/11-1 |
||
Letra me Vlerë të Qeverisë |
|||||
B |
Shitje nga portofoli i ndërmjetësit financiar |
3,519.69 |
3,813.24 |
8.34 |
|
|
Individë |
2,780.65 |
2,796.77 |
0.58 |
|
|
Persona juridikë |
739.04 |
1,016.47 |
37.54 |
|
C |
Blerje nga individët para afatit të maturimit |
1,649.49 |
1,308.42 |
(20.68) |
|
|
Individë |
811.24 |
766.37 |
(5.53) |
|
|
Persona juridikë |
838.25 |
542.05 |
(35.34) |
Për të lexuar materialin e plotë të tregut me pakicë të letrave me vlerë të Qeverisë për periudhën janar - qershor 2012 (në versionin EXCEL) klikoni këtu
Për të lexuar materialin e plotë të tregut me pakicë të letrave me vlerë të Qeverisë për periudhën janar - qershor 2012 (në versionin PDF) klikoni këtu