Zhvillimet e Tregut me Pakicë të Letrave me Vlerë të Qeverisë për Periudhën Janar - Qershor 2008
Duke i hedhur një vështrim të dhënave statistikore të tregut me pakicë të letrave me vlerë të Qeverisë për periudhën Janar - Qershor 2008, të bie në sy që peshën më të madhe sipas llojit të transaksionit e zë "Shitje nga portofoli i ndërmjetësit financiar" me 39.52% dhe vendin e dytë "Blerje në tregun primar" me 33.98% kundrejt volumit te pergjithshem.
Tregu me pakicë i letrave me vlerë të Qeverisë gjatë gjashtemujorit të parë të vitit 2008 u dominua në masën 96.56% nga transaksionet në instrumenta afatshkurtër (bono thesari) dhe 3.44% nga instrumenta afatgjatë (obligacione).
Nisur nga pjesëmarja (numër transaksioni) sipas llojit të invesitorëve individëve apo persona juridikë shihet se në peshë specifike më të lartë janë invesitorët individë me 98.61 % të totalit të transaksioneve në këtë treg.
Dy grupet e transaksioneve "B" dhe "C"
Transaksioni i llojit B "Shitje nga portofoli i ndërmjetësit financiar" ka pësuar një ulje të lehtë prej 62.82 milionë lekë ose 1.27% krahasuar me Janar - Qershor 2007 dhe numri i transaksioneve të këtij lloji po ashtu ka pësuar një ulje prej 1.41% .Transaksioni i llojit C "Blerje nga individët para afatit të maturimit" ka pësuar një ulje prej 33.45 milionë lekë ose 10.95% krahasuar me Janar - Qershor 2007 dhe numri i transaksioneve të këtij lloji po ashtu ka pësuar një ulje prej 2.19% .
Kjo ulje në vlerë absolute të totalit të transaksioneve të llojit B dhe C në krahasim me të njejtën periudhë të vitit 2007 kap vlerën 96.27 milion lekë ose 1.83 %.
Tregu me Pakicë i Letrave me Vlerë të Qeverisë 2007, 2008
Lloji i Transaksionit | Vlera nominale | Ndryshimi | ||
(në mln lekë) | (në %) | |||
Periudha Janar - Qershor | 2007 | 2008 | `08/`07-1 | |
Letra me Vlerë të Qeverisë | ||||
B | Shitje nga portofoli i ndërmjetësit financiar | 4,962.61 | 4,899.79 | (1.27) |
| Individë | 4,889.71 | 4,386.15 | (10.30) |
| Persona juridike | 72.90 | 513.65 | 604.61 |
C | Blerje nga individet para afatit te maturimit | 305.53 | 272.08 | (10.95) |
| Individë | 255.73 | 262.73 | 2.74 |
| Persona juridike | 49.81 | 9.35 | (81.22) |
Për të lexuar materialin e plotë të buletinit statistikor të tregut të letrave me vlerë të Qeverisë për periudhën janar - qershor 2008 (në versionin PDF) klikoni këtu
Për të lexuar materialin e plotë të buletinit statistikor të tregut të letrave me vlerë të Qeverisë për periudhën janar - qershor 2008 (në versionin EXCEL) klikoni këtu